albashega

مرحبن بيك اخي الزائير يتوجب عليك التسجليل
لكي يمكنك التنقل في صفحات المنتدي..

albashega


شاطر | 
 

 وا شوقاً على بلدى -د. عبدالله إسماعيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد
المدير العام
المدير العام
avatar

السودان
عدد المساهمات : 266
تاريخ التسجيل : 04/08/2010
الموقع : albashega.own0.com

مُساهمةموضوع: وا شوقاً على بلدى -د. عبدالله إسماعيل    الجمعة فبراير 25, 2011 2:43 pm

وا شوقاً على بلدى ..
شوق زولاً ولوف بكّاى ..
حليل يا ناس دعاش حلتنا يغشانى
عشان الشوق هلكنى براى...
طريت الدار بشارة خير
مع أم بشار
و برق ليلاً لمحتو بعيد
شلع ضوّاى...
و هاك ياخير وكت ما تمطر
الضحوية
و تسقى واطاتنا بى حنية
بحس بالخير معدى علينا ساير
جاى...
دخن قايم
معاهو سنابل الماريق
و داك الفول متلخبط بالويكة واللصّيق
يمجد فوق عظمة
الخالق السواى
و اشوقاّ ... على بلدى
شوق زولاً ولوف بكاى
حليل يمّة ...
ختت إيدا فوق رأسى
و قالت لى
تعال ياغالى قرّب جاى
بدور فى الخطبة السمحة بت الناس
أزغرد ليك
و أسوى الفوت
و أتّم الفرحة بيك ياعشاى !
قت ليها
سمح يمّة ...
عشان خاطرك
و عشان خاطر قليب هوّاى
...
أصلو السمحة يا يمّة
جدى ريلاً ...
بقدل جوّه فى جواى
و من يومى بدور السمحة
تبقى معاى
تقولا معاى
و ا شوقاً على بلدى
شوق زولاً ولوف بكّاى
ديار الشورى...
و النقارة...
و المردوم ..
و حس جرارى طول الليل علينا يحوم...
ديار القرعة
و المفراكة ...
و الحكّامة
و الهدّاى ...
واشوقاً على بلدى ... شوق زولاً
ولوف بكّاى...




<P> </P>
الرجوع الى أعلى الصفحة اذهب الى الأسفل
http://albashega.own0.com
 
وا شوقاً على بلدى -د. عبدالله إسماعيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
albashega :: || الشعر السوداني والعربي ~-
انتقل الى: